17.mai løper. Snurrande vindmølle.

Whirligig Wildflower Pachwork

Denne lappeteknikk er mest kjendt som «Virvlande Villblomster » på norsk.

«Villblomst», var faktisk eit av temaet for mitt aller første kurs i Nordfjord Lappe og Quilte klubb. Eg trur det var ei som heite Kari Anne som holdt kurset, som var på Selje hotell, ca. 1997.

Min aller første løper sydd på kurs i regi av Nordfjord Lappe og Quilte klubb.
«Villblomst»

Virvlande villblomster er eit tradisjonelt lappeteknikk mønster som ein finn mange plassser på internett. Ved å søke på «whirligig wildflower quilts» på internett, finn ein mange fine mønster og bilder til inspirasjon!

Eit av mine aller første 17.mai minner, var at eg fekk ein vindmølle. I Vinden snurra den rundt med dei norske farger, raudt, kvitt og blått. Det var kjekk å leike med vindmølla. Om det ikkje var vind var det berre å blåse på propellen!

Det er dette som har inspirert meg til å sy årets 17. mai løper. Eg deler herunder min sy- bekrivelse.

Sy-bekrivelse «Virvlande villblomst»

Start med å velge stoff i farger raudt kvitt og blått. Det enklaste er å velge berre 3 ulike stoff, i kvar sin farge.

Det skaper meir kontrast, til meir ulike stoff ein bruker. Kvar enkelt blomst vill då komme fram. Blomane vill forsvinne meir om stoffa er like.

På bilde ovenfor, har eg sydd løparen i 6 forskjellige stoff. Då krev det meir å holde orden på stoffa, enn når ein bruker berre 3 forskjellege stoff.

Eg har brukt stoff ifrå gamle skjørt, gardiner og «second hand» tekstiler.

Ein juleduk som eg har sydd for mange år sidan.
Her har eg berre brukt 3 ulike stoff .
Dei gule blomane stikker seg fram ,
sidan dei to andre stoffa er er meir like i mønster og valør.

Skjer kvadrat på 5 x 5 cm og 7,5 x 7,5 cm . Du treng 4 stk av dei store og 4 stk av dei små til ein blomst.

I min 17.mai løper har eg brukt:

Mørke blå: 12 store og 12 små kvadrat.

Blå ruta: 12 store og 12 små kvadrat.

Blå og kvit: 8 store og 6 små kvadrat.

Kvit med raude små hjerter: 16 store og 16 små kvadrat.

Raud og kvit: 16 store og 16 små kvadrat.

Raud: 44 store og 20 små kvadrat.

Ønskjer du større blomster, lager du kvadrata større.

Brett alle dei små firkantane, vranga mot vranga, diagonalt, slik at dei blir til ein trekant. Press med eit strykejarn.

Legg utover dei store firkantane, slik at du ser korleis dei ulike blomstrane skal ligge. Plaser så dei små trekantane der dei skal vere, opp på dei store firkantane. Slik at du ser at det er ei mølle.

Greit å ha ein anna duk å sjå etter, når du skal plasere alle lappane. Lett for at lappane med små trekanter, blir snudd feil vei! Teikn gjerne eit mønster på pair og fargelegg ! Så ser du korleis det blir.

Brett ut trekanten igjen og legg den lille firkanten , retta mot retta, hjørne mot hjørne mot den store firkanten. Sy ein søm i bretten. Brett over igjen og press med strykehjarnet. Prøv å ver nøyaktig som mogleg. Blir firkantane skeive, kan du reinskjere alle firkanter ned til samme mål, feks. 7 x 7 cm.

Ei blokk.
4 store kvadrat med 4 små kvadrat- trekanter i eit anna stoff.

Når alle små trekanter er sydd fast, legg eg alle bitar utover der dei høyre heime. Nb! Pass på at alle trekanter ligg rett veg!

Eg syr ihop ein og ein lapp, retta mot retta, 1/4 » i sømmonn. Du kan gjerne bruke anna sømmonn, men du må da passe på at du har likt sømmonn på heile duken. Så syr eg saman fire lapper, så seks lapper, til ei heil remse. Syr anna kvar rettning for kvar omgang, slik at den lange løparen ikkje vil bue seg i sida, svinge.

Press sømmane med strykehjarn. Stryk med trekantane. Då vil kvar omgang med søm stemme overens med dei andre sømmonna.

Sømmonn går kvar sin veg ved sammensying av remser. Når ein gjer det slik,  «låser» hjørnene seg fint og det blir ikkje klumper. På denne måten er det då lettare å få  fine/eksakte hjørne-treff.

Legg bordvatt på baksida, så fòr på baksida. Stryk ut aller rynker, nål godt med tynne lange knappenåler for pachwork eller tråkle. «Quilt», det vil seie sy gjennom alle dei tre laga; Topp, vatt og bakside. Velg sjølv kva quiltemønster du vil bruke. Eg quilta eit rutenett .

Eg merka duken med ein strek , diagonalt frå hjørne til hjørne. Slik eg såg kor eg skulle sy. Nb! bruk ein tusj eller pen som går vekk med vatn! Er du stødig, kan du sy direket frå hjørne til hjørne. Bruk lange sting. Minimum sting lengde 3. Reinskjer duken i sidene.

Quilting på baksida av duken.

Sy på lukkekant.

Eg brukte kantebandsapparat når eg sydde på lukkekant.

Søk på » BERNINA Webinar: Kantbåndsapparat på Quilt » på YouTube korleis du syr på kanteband med kantebandsapparat. https://www.youtube.com/watch?v=EyymnKYT1II

Skål for ein fin 17.mai feiring!

Sy Spisebrikker i det Norske flagg

Kok deg ein kopp kaffi og leit opp stoff i raudt, kvitt og blått!
Eg har brukt bomull-stoff fra gamle skjørt, kjole, gardiner og «second hand» stoff.
Kos deg med syinga av spisebrikker 🙂
På bilde er måla for alle lappane som du må skjere ut. Måla er sånn ca. Reinskjer etter kvart.
Eg har brukt 1/4″ i sømmonn.

På blider, her under, viser eg framgangsmåten. Slik eg syr saman flagget, steg for steg.

«Quilta» Diagonalt . Starta med å teikna ein strek frå hjørne til hjørne. Nb! Bruk ein penn eller tusj som går vekk med vatn. Sy ein søm/ stikning på streka. Så brukte eg ein syfot der eg festa på ein linjal, så eg kunne måle kor eg skulle sy videre. Eg hadde ca 4 cm mellomrom mellom saumane/ «quiltinga». Men du kan streke opp rutenett på heile spisebrikka, der du skal sy. Quilta med lange symaskinsting. Minimum stinglengde 3.
Reinskjer kantane og sett på skråband eller kanteband.
Gratulerer med dagen!
Lykke til med 17.mai feiringa!

Sy Vimpel

Vimplar

Sy vimpar til 17.mai, hagen, barnerommet eller fest! Her kjem sybeskrivelse, «tutorial» om korleis ein kan sy fleire forskjellege vimplar til ei lang vimpelrekke. Eg viser korleis ein lager ein litt brei vimpel og ein smal vimpel . Ein kan bruke forskjellege quilte linjaler eller ein kan lage sin eigen mal, når ein vil skjere ut eller klippe ut trekanter til vimplar.

Rekke med breide vimplar.
Rekke med smale viplar.

Eg sydde i hop vimplane, litt forskjelleg . Brukt vanleg rettsøm, pytesøm, eller falsk overlocksøm på vanleg symaskin. Eg har sydd med overlock symaskin på nokre av vimplane, men det er ikkje nødvendig. Du klarer deg fint med ei heilt vanleg symaskin! Nokre av vimplane er vrangsydde .

Sy og varier, etter smak og behag, alt etter kvaliteten på stoffet. Om du ønskjer å vrangsy vimplane, har eg erfart at det er best å bruke vanleg bomullstoff. Om ein vel litt tjukkare stoff, som gardiner ol. , kan det vere lettare å legge stoffet, vranga mot vranga og sy rundt kantane ( på rettsida) uten å vrenge. Les gjennom heile blogginnlegget før du bestemmer deg for stoff og søm.

Pyntesøm , falsk overlock og vrangsydd.

Materialliste:

*STOFFREMSER 27 cm breie, i fleire forskjellege stoff, med fargar i raudt, kvitt og blått , friske sommerfarger til hagen eller søte stoff til babyrommet ect.

Evt. STOFFRESTER Liten vimpel min. 30 cm x 30 cm. Stor vimpel 2 stk. min. 27cm x 32 cm.

* SKRÅBAND 1,5 m – 6 m lang eller så lang du vil ha snora til vimplar. Evt. eit band som kan brettast eller lage ditt eige kanteband.

*PAPIR, KARTONG , LIMSTIFT og PAPIRSAKS om ein vil lage mal.

*QUILTE LINJAL; vanleg, avlang firkanta med 90 ° og 60 ° vinkel strek. (evt. «Hex N More»- linjalen, «Spider Web» – linjalen eller andre trekanta linjaler).

*SKJEREKNIV , SAKS og evt. TAGGESAKS

* VLISOFIX om ein ønskjer å stryke saman framstykke og bakstykke på vimpelen . Då kan ein ikkje vrangsy vimplane.

*SYMASKIN med sytilbehør. Evt. OVERLOCK SYMASKIN.

Brei vimpel med 60 graders vinkel.

Når ein teiknar eller skjer vimpel etter 60 grader streken på linjalen, vil ein få ein likesida trekant. Vimpelen virker då litt brei og kort. Men eg synes det fungerer bra når alle vimplane er sydd saman på eit band og hengt i ei lang rekke. Vrangsyr ein vimplane blir det veldig bra!

Vimplar kanta med overlock symaskin.

Skjer stoffremser, 27 cm breie.

( Om ein ønskjer større eller mindre vimplar, skjer ein breiare eller smalare stoffremser).

Legg gjerne to stoffremser opp på kvarandre og skjer dobbelt. Skal du vrangsy, må du legge stoffremsene med retta mot retta. Skal du sy med overlock eller pyntesøm rundt kantane, legg du stoffremsene med vranga mot vranga.

Ta utganskpunkt i eine enden av stoffremsa. Skjer enden vinkelrett 90 grader i forhold til kantane oppe og nede på remsa. Om ein ikkje vil skjere, teiknar ein berre ein strek langs linjalen.

Finn 60 grader- streken på linjalen. Der er gjerne to 60 grader- strekar på linjalen, bruker den streken som passer den veg ein skal skjere/ måle. Snu linjalen alt etter kva veg ein skal skjere.

Legg 60 grader streken parallelt med den eine langsida på stoffremsa. Og la linjalen gå ut mot eine hjornet på stoffet, for å utnytte stoffet.

Då ligg linjalen på skrå (60 grader) over stoffremsa.

Skjer med kniv langs sida på linjalen . Sjå bilde under.



Eller teikn ein strek på stoffet, langs sida på linjalen.

Snu linjalen og gjer det samme, til ein trekant.

Fortsett på same måte bortover stoffremsa, slik at du får fleire trekanter. NB! Trekantane går då kvar sin vei, sjå bilde under.

Klipp med saks langs strekane eller skjer med kniv langs sida på linjalen.

Ein kan bruke»HexNMore» – linjalen eller andre trekanta linjaler.

Om ein vel å bruke «Hex N More»- linjalen, blir vimplane kortare enn dei vimplane eg har sydd og forklart her.

Smal vimpel

«Spider Web» linjalen er fin å bruke til å skjere ut vimpler.

Om ein ikkje har denne linjalen, kan ein teikne trekanten sjølv og lage mal som forklart under her.

Mal / Mønster :

Teikn ei 20 cm rett linje, oppe på eit A4 ark.

Finn midten på streken , altså 10 cm. Teikn ein strek frå midten og rett ned, vinkelrett, 90 grader. Streken skal vere 27 cm lang. Teikn ein rett strek som går på skrå frå venstre ende av streken oppe og ned til enden av midtstreken, som er 27 cm lang. Bruk linjal Gjer det samme på høgre side . Sjå bilder under.

Brukt desse måla, for då er det plass til mønster/mal på eit A4 ark. Om ein vil ha ein mindre, smalare vimpel, forminskar ein måla. For større eller lenger vimpel, forlenger ein måla.

Lim arket på kartong og klipp ut .

Eg laga to maler. Kan vere greit å ha, når ein vil sjå om der er nok stoff til framstykke og bakstykke på ein stoffrest.

Skjer stoffremser, 27 cm brei.

Legg malen på stoffremsa. Den kortaste sida på trekanten ( oppe vimpel), leggast til eine langsida på stoffremsa. Teikne rundt malen.

Så snur ein malen og legg malen inntil den teikna trekanten. Teikne trekanter bort over stoffremsa , gjerne med ein merkepen som kan strykast vekk. Legg malen opp og så ned, anna kvar gang bortover. Slik at trekantane heng ihop. Sjå bilde under.

Om ein ikkje vil teikne mal , vil eg vise ein anna måte å lage desse trekantane…

Ta ei stoffremse, 27 cm brei. Ta utgangspunkt i eine enden av stoffremsa. Skjer enden vinkelrett 90 grader i forhold til kantane oppe og nede på remsa. Om ein ikkje vil skjere, teikne berre ein strek langs linjalen.

Legg linjalen langs langsida av stoffremsa. Og sett eit merke for kvart 10 cm bortover. Alstå 10, 20, 30, 40 cm osv.

Gjer dette på begge sider av remsa. Sjå raude prikkar på bilder under.

Så legg ein linjalen på skrå mellom merke, oppe og nede og streker opp. Slik teiknar ein opp trekanter bortover.

Klipp eller skjer ut trekantane.

Ein kan gjerne skjere ut trekanter etterkvart med linjal og kniv, i staden for å teikne strekar og klippe etterpå.

Vel ein å lime framstykke og bakstykke ihop med vlisofix og strykehjarn, kan det vere fint å klippe med tagge saks.

Vliesofix. Bilde lånt.

Om ein bruker vliesofix, pass på å stryk godt, så det ikkje blir luftbobler eller rynker.

Kan klippe med taggesaks om ein ikkje bruker vliesofix mellom bakstykket og framstykket. Bruk gjerne klyper som held stoffa saman, om ein klipper fleire lag stoff samtidig.

SØM

Framstykke og bakstykke på vimplane kan syast saman med søm på framsida. Ein kan då leike seg med masse forskjellege pytesøm, som ein har på symaskina. Eller ein kan vransy vimpelen med vanleg rettsøm på vranga.

SY SAMAN FRÅ RETTSIDA: Legg to trekanter saman, vranga mot vranga. Baksida av framstykket ligg mot baksida av bakstykket. Ein skal ikkje sy oppe på vimpelen . Dei to lengste sidene syr ein saman med feks. ;

Overlock

Ei overlock symaskin skjer kanten samtidig som den syr og kaster over kanten.

Falsk overlock søm

Om du ikkje har ei overlock symaskin, kan du sy falsk overlocksøm. Dei fleste symaskiner har slik søm.

Om ein skal sy falsk overlock søm på vanleg symaskin, er mi erfaring at det kan vere greit å ha litt sømrom. Sy ca 1/4 » inn på stoffet og klipp vekk stoffet etterpå – inn til sømmen.

Pyntesøm

Leik deg med dei sømmane du har på di symaskin!

Sy pyntesømmen, litt inn på stoffet. Er kantane klipt med taggesaks treng ein ikkje å klippe vekk sømrommet etter ein har sydd. Pyntesøm kjem litt betre fram og det blir betre hold, om ein syr på stivare stoff, eller har vliesofix eller vliselin mellom framstykket og bakstykket.

Trippel søm

Dei fleste symaskiner har trippelsøm. Symaskina syr fram, tilbake og fram igjen. Bruk min 3 i stinglengde.

Sy gjerne to trippelsaumer ved sidan av kvarandre, parallelt.

Sikk-sakk-søm

Alle symaskiner har sikk- sakk- søm ! Varier med sting- bredde og sting-lengde – alt etter smak og behag!

VRANGSY

Legg to trekanter retta mot retta.

Ikkje sy ihop oppe!

Sy langs dei lengste sidene. Bruk vanleg rettsøm, stinglengde ca 2,5.

På den smale modellen er det brukt sømrom 1/4″ ved vrangsying.

Ved den store modellen, 60 graders vinkel, er det brukt 1 cm sømrom ved vrangsying.

Klipp vekk stoff ved sømrom ved spissen, då er det lettare å få spissen fin , når ein skal vrenge vimpelen.

Vreng vimpelen gjennom opning oppe.

Bruk ei saks, pinsett eller nokre spisse redskaper til å presse ut spissen nede på vimpelen. Nb! Pass på at ein ikkje stikk hol i stoffet.

Pirk gjerne spissen ut med ei knappenål på framsida.

Stryk godt ut sømmane med strykejarn. Reiskjer vimplane oppe, slik at alle vimplar er like store.

Legg vimplane i den rekkefølgje ein ønskjer.

Sy på band.

Eg bruker skråband, når eg skal sy vimplane saman til ei lang rekke. Den kortaste vippelrekka eg har sydd er ca.1,5 m, mens den lengste snora er nesten 6 m ! Ein lager skråbandet så lang ein vil ha vimpelrekka.

Først bretter ein skråbandet og syr eit stykke før ein sett vimplane inn i skråbandet, ein etter ein. Sy fast med rettsøm, stikning. Stinglengde min. 3.

Legg kanten, oppe på vimplane inn i skråbandet og hald på plass ved hjelp av klyper. Sy vidare. Avstanden mellom vimplane er alt etter smak og behag . Nokon syr vimplane tett i tett, mens andre har gjerne 10 cm mellom vimplane! Eg bruker ca 2 cm mellom vimplane.

I begge endar, sy ei løkke til å henge opp med.

Brukt skråband med blonder.

Eller ein kan lage sine eigne skråband

Ein kan og bruke vanlege breie band som ein brettar i to eller lage band av stoff. Treng ikkje vere skråband ( skråklipt stoff) når det skal vere ei rett snor.

Appliker gjerne hjerte, stjerner, bokstaver ol. på vimplane. Korleis du applikere kan du lese om her: https://www.syoddny.no/2019/06/monster-pa-klassisk-toalettveske/

Mønster og syforklaring har eg laga sjølv.

Det er lov å dele mønstra med andre, til syinspirasjon!

Helsing Synnøve Oddny

Facebook: SyOddny

Blogg: SyOddny.no

Instagram : SyOddny #SyOddny

Nostalgisk hjerte, redesign av kjole

Denne kjolen må ha vore nydelig som ny. Brokadestoff, blonder, strass og paljetter. Overdelen var korsett med spiler.

Klipte opp kjolen og sprette av blonder og pynt , før eg tok i bruk stoffet.

Når eg spretta opp kjolen, sat eg og tenkte på kor mykje arbeid det har vore å sydd denne kjolen. Skal tru kor gamal den er ? Var det ein brudekjole eller ballkjole? Tenk på kor mykje den har dansa…. eg satt å mimra og fantaserte , levde meg tilbake til ei anna tid …

Eg teikna eit hjerte som eg brukte som mønster.

Klipte ut to hjerte i stoffet. La dei rette mot rette. Sydde ein søm rundt, men let stå igjen eit lita åpning for vrening av hjertet.

Reparerte og forsterka blondene med sikk – sakksøm over sølvbanda på blondene. Brukte sølvtråd i undertråden. Pynta hjerta med bloder og strass, brukte nål , tråd og lim. Ein sterk tråd til oppheng.

Redesign av ullteppe.

 

 

Teppet som vart  til ei jakke! For  mange år sidan, fekk vi  eit teppe frå ei bestemor. Teppet vart mykje brukt, godt å ha  over seg både i stova og i bilen.  I det siste var det katten som hadde glede av teppet.

Vi var tenkt å kaste   teppet.  No i desse gjenbrukstider, fekk eg lyst til å redesigne teppet.

 

Teppet som  var godt brukt!

Sjølv om der  var eit hol i teppet og nokre  kattehår på  det, synest eg det var for godt til å kaste!

Teppet fekk nokre omganger i vaskemaskina og vart lufta godt ute i nokre dager.

Fann eit mønster på ei fin jakke i eit symagasin.  Teikna av mønstret, tilpassa og lag det på teppet.  Bretta teppet dobbelt.  La midtbak på  bakstykket inntil bretten på teppet .

 

 

Framstykket la eg inn til den andre kanten. Eg ville bruke dei  fine kantane på teppet.   Då vart jarekanten på teppet   midtframme på jakka. Då slapp eg belegg der .

Jarekanten på teppet,  midt framme på jakka, åpning . Frynser nede på jakka.

Nede på jakka kom frynsene, frå eine enden av teppet.  Då slapp eg opplegg nede  på jakka. Resten av frynsene brukte eg til krage.

Klipte ut alle mønsterdelane i teppet, med 1 cm sømrom.  Då stoffet var bretta dobbelt,  fekk eg 2 stk. framstykke, 2 stk. armer og 1 stk. bakstykke. Bretten midt bak skal ikkje klippast !

Sybeskrivelse: 

Eg brukte overlock- cover- og rettsøm.  Det går fint å bruke ei heilt valig symaskin med rettsøm og sikk-sakksøm , og gjerne ein falsk overlocksøm.

  1. Sy skuldersøm.   Legg skulder  på framstykket, retta mot retta til skulder på bakstykke.
  2. Sy armane fast på framstykke + bakstykke.
  3. Sy sidesøm.  Sidene til framstykke og bakstykket leggast  med retta mot retta. Sidene på arm blir og  lagt retta mot retta.
  4. Legg opp armer til passelig lengde. Eg har  coversøm. Søm med  tvilingnål eller enkelt nål går fint.
  5. Tilpass kragen   etter lengda på halsåpning.   Lengd på kragen tilpassast med ein søm midtbak.                                                                                                                                    Sy kragen fast i halsåpning, bakside på kragen  leggast på rettsida av bakstykke  og framstykke. Legg sømmen ned på framstykket og bakstykket og sy ein stikning, så  sømrommet held seg fast og kragen ligg fint.

    Søm midtbak på kragen.

    Innsida av jakka, midt bak. Søm midtbak på kragen blir skjult , når kragen blir bretta ned .

    Stikning på rettsida, søm som held sømmrommet nede og  på plass.

Jakka bak

No er det eg som har glede av teppet. Jakka er god å ha på seg når det er kaldt ute.  Ekstra kjekt er det å tenke på alle minnene ein har frå dette teppet. Og kor mykje omsorg det ligg i eit varmt og godt  teppe frå ei bestemor. Eg hadde ikkje hjerte til å kaste det og eg er glad det kjem til nytte igjen somei jakke.  Trur denne jakka vert god å ha med seg på busstur , båtur og andre spennande reiser. Jakka er alt i god bruk!

Ferdig jakke

Lappeteppe Twister Lars

Lappeteppe sydd av  «layer cake» stoff kjøpt på Primula Design og anna stoff som passa til.

Eg har brukt den største twister linjalen til å skjere ut stoffet.

Linjalen er lånt med Nordfjord Lappe og Quilteklubb.

Syomtale ligg ilag med linjalen.

På  baksida brukte eg  flecee stoff .

og quilta ned i saumane med, «In the ditch».

Quilting og montering av lappeteppe kan du lese om HER

Og sying av lukkekant HER

Publisert  første gang på Syoddny.blogspot.com 24.02.18

Tutorial: Sybeskrivelse på korelis ein syr remser til kvadrat, Lappeteppe Merete.

Lappeteppe av firkanter 2,5″ x 2.5″.

Rosa, blomstra og pastell – stoff var samla i ei kasse.

Her var nokre av mine første lappestoff frå slutten av 90-talet!!

No er det «inn» igjen med blomstra stoff og då på tide å bruke opp stoffa!

Kutta striper  på 2,5 » ( 2.5 inches).

Sydde i hop fire striper.

Rette mot rette.

1/4 inch saumrom.

Saumane sydde eg kvar sin veg.

Dvs:

Første saum sydde eg frå venstre side.

Andre saum  frå frå høgre side.

 Tredje saum igjen frå venstre side osv.

Dette fordi arbeidet ikkje skal dra  og bue seg.

Så skar eg på tvers av stripene, 90 grader .

Til nye remeser 2,5 » breie.

Remser med 4 kvadrat.

La like remser i lag.

4 remser vart sydd i hop.

Rette mot rette.

Stryk saumroma kvar sin veg!

På første remse strauk eg saumane ein veg t.d. høgre.

For andre remsa strauk eg saumane  motsett veg, t.d vestre.

Og på tredje remsa strauk eg saumane same veg som den første remsa.

osv…

Når ein gjer det slik  «låser» hjørnene seg fint og det blir ikkje klumper.

På denne måten er det då lettare å få  fine/eksakte hjørne-treff.

Bunke med lapper;

60 stk, kvadrat av 16 firkanter.

Sy ihop to lapper.

Retta mot retta.

Sy i hop fleire lapper til ei remse,

så breitt teppet skal vere.

Eg hadde 6 lapper i breidda.

Sy så ihop to og to remser.

Retta mot retta.

Sy så ihop alle remser til eit  stort lappeteppe.

Eg brukte 10 lapper i lengda.

Sy så på ramme og  sett på bakstykke.

Her har eg brukt flecee stoff til bakstykke.

Bruker ein flecee, treng ein ikkje vatt mellom topp/ framside og bakstykke.

Quilt og sett på lukkekant.

Les meir om montering av lappeteppe her og sying av lukkekant her

Publisert første gang på Syoddny.blogspot.com 24.02.18

Strikkemønster Restegarnteppe

Heile teppet er strikka i dobbelt garn.

Det eine tråden er einsfarga (her; mørkt) , fyl arbeidet  heile tida.

Eg brukte to nøster (400 g per.  nøste) Basic Super Big Tweed, mørkegrå/svart.

Synnøve Oddny Torheim sitt bilete.

Eg byrja å felle  teppet, på slutten av nøste 1,

 – for å vere sikker  på at eg hadde nokk tråd til side to.

Når ein strikker ilag med anna ulik restegarn,

kan det varierer kor mykje garn ein bruker på dei to ulike sidene.

Den andre tråden er  restegarn  i mange fargar og kvalitet.

Når ein rest er oppbrukt, fester ein på ein ny farge.

Eg brukte stkrikkepinne nr 10.

Dersom restegarnet er  tynt, legg  dobbelt.

Eg har lært å strikke slike teppe av mamma

og det er hennar  oppskrift eg har brukt.

Legg opp tre maskar!

1. Strikk 1. omgang rett.

2. Strikk 1. masken (den strikkar ein ikkje seinare) auk i 2. masken, strikk den siste = 4 masker

    NB! Når ein tek laust av 1. masken på pinnen ( dvs ikkje strikkar den) då skal tråden igge bak pinnen/masken.

     Då vert der «perler» på kanten. Ytste kanten vert jamn, stram og fin:

3. Snu, ta 1. masken laust av pinnen, strikk 1 maske,  auk i 3 masken, strikk siste masken =   5 maskar på pinnen.

4. Snu, ta 1. masken laust av pinnen, strikk 2 maskar, auk i 4 masken, strikk siste masken =   6 maskar.

5. Snu, ta 1. masken laust av pinnen, strikk 3 maskar, auk i 5 masken, strikk siste masken =   7 maskar.

6. Snu ta 1. masken laust av pinnen, strikk 4 maskar, auk i 6 masken,  strikk siste masken =   8 maskar.

7. Snu ta 1. masken laust av pinnen, strikk 5 maskar, auk i 7 masken,  strikk siste masken =   9 maskar.

8 .Snu ta 1. masken laust av pinnen, strikk 6 maskar, auk i 8 masken,  strikk siste masken = 10 maskar.

9 .Snu ta 1. masken laust av pinnen, strikk 5 maskar, auk i 6 masken, strikk ut pinnen (4)  =  11 maskar på pinnen.

10. omgang og alle omgangar vidare;

Snu, ta 1. masken laust av pinnen strikk 5 maskar, auk i 6 masken. Strikk rett – ut pinnen

NB! Berre auking på begynnelsen av omgangen/ pinnen.

Auking;

Ta pinnen inn i masken og hent fram 1 (ny) maske, men slepp ikkje av masken på venstre pinnen.

Masken som heng på venstre pinnen er no vridd som eit 8 tal, stikk høgre pinnen inn i masken på venstre pinnen, men i øvre de av 8-talet.

Då er der to nye maskar i ein.

Aukar ein på denne måten, vert det ikkje hol i strikket

Strikk vidare, til der er 275 – 300 maskar på pinnen, alt etter kor stort teppet skal verte og kor tjukk tråd ein brukar.

Felling;

Ta fyrste masken laust av, strikk 5 maskar rett, strikk så 6 og 7 maske saman til 1 maske, strikk ut omgangen!

NB! Berre felling på begynnelsen av omgangen/pinnen.

Fell slik til der er 11 maskar att på arbeidet – då feller ein i hop – på same måte – som ein auka.

Men omvendt  Omgang 9 – 2. Fell av når det er 3 maskar att.

Sol H. Ulvestad

Her er eg  koma godt i gang med teppet mitt!

Teppet varmar meg, medan  eg strikkar.

Kanina NonStop liker å ligge på det  varme og mjuke teppe.

Publisert første gang på Syoddny.blogspot.com 13.09.17

Sli syr du pute. Tutorial

Mange  festlige puter!!

Det frista å sy  puter av dette kule stoffet!

Stoffpanel med bilder av artige dyr.

.

(Kjøpt hos Lappestua. Men trur Fantasi på Sandane og  har hatt stoffet ).

Klipp firkanter.

Her passa det fint å klippe rundt motiva på stoffet.

Ein treng to like store firkanter.

Kast  over kantane med sikksak saum.

Legg firkantane opp på kvarandre.

Kant i kant.

Sy  saum rundt alle  sidene.

Sy  dei loddrette sidene i samme retning ,

og dei vassrette sidene i samme retting.

– Dette for betre hold.

Bruk ca 1 cm saumrom,

= halve foten på syfoten.

Ikkje sy; 10 cm midt på sida, nede.

Opning for vrenging av puta.

Vreng puta gjennom opninga .

Putt fullvatt inn i puta,

til den blir passelig tjukk og mjuk.

Sy igjen holet for hand med nål og tråd.

Ferdige puter!

Putekrig!

Publisert første gang på Syoddny.blogspot 13.09.17

Toalett vesker av bordbrikker. Sy beskrivelse /Tutorial

Kva gjer ein når ein vinn  10 bordbrikkene på  ein basar?

Jo, då bruker ein fantasien og syr toalett vesker!

Kjøpte svart m/ lilla stoff på

butikken » Trapp ned i Førde».

Aplikasjon av hjerter.

Teikn hjerte på flisofix.

Stryk flisofix på det mørke stoffet.

Klipp ut hjerte.

Riv av  papiret på flisofixen

og stryk hjertet på bordbrikka.

Sydde fast hjerte med symaskin.

 Brukte «tungesting».

Sy på eit mindre hjerte, på same måte.

,

To hjerte applikert på toalettveska.

Glidelås:

Sy på glidelås.

Bruk glidelåsfoten på symaskina.

Har du ikkje slik fot, bruk den vanlige syfoten.

Sy ein  stikkning langs glidelåset.

Glidelåset er sydd fast i kort endane av bordbrikka.

Bordbrikka har  vorte til  ein sylinder.

Legg arbeidet flatt.

La glidelåset ligge minst  2 cm ifrå øverste bretten

Vreng  toalettveska.

Sy att og fram over endane på glidelåset.

Klipp vekk evt. ekstra ender av glidelåset.

Pass på! – at glidaren til glidelåaset er godt innanfor  sidene!

– Glidelåset må vere litt åpe for å få  forsida vrent ut igjen.

Sy vidare!

Sy saum på  begge sider av toalettveska.

Brett ut  dei to hjørna nede,

som to «øyrer».

Lag ein strek på tvers av saumen .

Ca 3 cm ifrå bretten ved botnen.

Sy ein saum, over der du har merka.

Begge hjørne er sydd.

Vreng toalettveska.

Toalettveska på innsida.

Eg  lar berre øyrene ligge slik inne i toalettveska.

Ein kan evt feste «øyrene »   med å sy  dei fast for hand ned i botnen.

Hjørne og sidesaum på utsida.

Ti ferdige toalettvesker – til  gåver og  utlodding på neste basar .

Publisert første gang på syoddny.blogspot.com 13.09.17