Når juleduken først er avdanka, har fått ein flekk eller eit lite hol, og er teken av bordet – kvifor ikkje la han få eit nytt liv? ✨
Eg diggar gjenbruk og likar å sjå meg nytte av alt, både gammalt og nytt. Denne gongen fekk syntetiske juleduker og blondedukar nytt bruksområde: vaskeposar – store og små.
Dette er ikkje første gong eg syr vaskeposar av gamle tekstilar. ✨ Eg har tidlegare sydd vasketøyposar av kvite blondegardiner og duker, og dei har vore i flittig bruk i lang tid.
Ved dei kvite vaskeposane har eg brukt den fine jarekanten som blondekant og latt han overlappe glidelåsopninga. Det gir ein mjuk og dekorativ avslutning, samstundes som glidelåsen blir litt skjult og posen får eit meir gjennomarbeidd uttrykk.
Men: Eg var så lei av at dei kvite vaskeposane vart rosa når eg vaska raude tekstilar 😅 Så då vart det å sy raude vasketøyposar i staden. Kanskje blir det òg eit par grøne vaskeposar – eg har nemleg liggjande ein grøn blondeduk som ventar på nytt liv.
Kvifor bruke heimelaga vaskeposar?
– Ekstra fine til BH-ar – held fasongen og forlenger levetida – Tek godt vare på hekla brikker og andre sarte tekstilar i vask – Fine når eg vaskar stoff, restar og scrap, og 👉 skånar vaskemaskina for lause trådar – og BH-bøylar som vil på avvegar…!
Med eigne posar kan eg sortere smartare – både før, under og etter vask. Når undertøyet er nyvaska og tørka, kan det leggjast rett i posane og takast med på reise. Det gjer det enkelt å halde orden i kofferten, og undertøyet ligg samla og beskytta. Dei lette og fine posane er òg praktiske til oppbevaring heime – anten i skuffa, på hylla eller i reisebaggen. Små løysingar som gjer kvardagen litt enklare ✨
Dette er ekte gjenbruk og upcycling , kombinert med oppbevaring og system på ein god og smart måte – praktiske løysingar som både tek vare på tekstilane og gjer kvardagen enklare ♻️✨ Og veldig kjekt å sy!!
Materiale
Desse dukene er kjøpte på NMS Gjenbruk i Førde – ein gullstad for tekstilskattar som ventar på nytt liv 💚
Enkel sybeskriving: Vaskepose med glidelås
Klipp eitt rektangel i ønska storleik.
Brett inn sidene på dei korte endane og sy i ein glidelås. → no har du ein sylinder.
Brett posen flat, med rettsida ut, og glidelåset opp og slik at glidelåsen ligg der du vil ha åpninga.
Sy fransk saum i sidene – først overlock eller sikk-sakk sidesaumane.
Vreng gjennom glidelåsopninga.
Sy ein søm på kvar side.
Vreng tilbake til retta.
✨ Voilá! Du har ein eller fleire vaskeposer til klesvask og oppbevaring ✨
Frå kursoppgåve i kursleiarutdanninga til ferdig quilt og kurs på quiltetreffet 2026.
Sommaren, sivet og lyset over innsektdammen vart utgangspunktet for denne quilten. Augestikkaren starta som ei oppgåve i kursleiarutdanninga mi hos Norsk Quilteforbund, men utvikla seg til ei forteljing sydd i stoff – om overgang, lys og bevegelse. I dette blogginnlegget deler eg både historia bak motivet og dei faglege vala som forma quilten.
Når augestikkaren flyr mot lyset – ei forteljing i tekstil.
Sommaren er komen, og vatnet i innsektdammen er varmare. Morgonsola sender sine fyrste strålar innover dammen, og sollyset kryp ned mellom sivstråa. Fleire fargar i lyse, grøne nyansar blir synlege, medan delar av graset framleis ligg i skugge og får mørkare grøne sjatteringar. Sollyset når ikkje heile dammen med ein gong – og det er nettopp i dette spelet mellom lys og skugge historia tek til.
Augestikkaren har levd i dammen som nymfe i minst tre år, kanskje lenger. No kjenner han seg uroleg. Er det i dag eg skal forlate innsektdammen? I det siste nymfestadiet kryp nymfa opp av vatnet og festar seg til eit grasstrå. Der får ho tørke godt, før huda rivnar og eit vaksent insekt sakte kryp ut. Augestikkaren speglar seg i dammen og ser ein skapning med lang kropp, fire tynne venger med ornament og perlemor. To store auger ser tilbake før han løftar seg på vengene og flyr mot lyset. Augestikkaren ser vi helst når det er sommar og sol.
Frå forteljing til quilt
Quilten «Augestikkar» er eit bildeteppe som viser den siste scena i forteljinga – augestikkaren i det augeblikket han flyr mot lyset. Quilten vart laga som ei besvarelse på ei av oppgåvene i kursleiarutdanninga mi. Oppgåva gav rom for både kunstnarisk fridom og grundig fagleg refleksjon rundt teknikk, farge og komposisjon.
Bakgrunnen – sivet, graset og lyset – er sydd saman av smale remser med buande linjer. Desse linjene skaper rytme, djupne og bevegelse i bildet. Sjølve augestikkaren er applikert på bakgrunnen ved hjelp av vlisofix, og festa med doble knappeholsting sydd på symaskin. Eg valde denne typen sting fordi dei passar godt til strukturen i vengene, som har tydelege brettar og mange årer.
Quilten er sydd med symaskin, quilta med bordvatt som mellomlag og bomullsstoff på baksida. Rundt heile quilten er det sydd ein dobbel, smal lukkekant.
Materialval og fargar
Til sivet og graset er det brukt tekstilar i ulike kvalitetar: bomull, silke, møbelstoff og andre syntetiske stoff. Dei ulike strukturane og glansen i stoffa gir liv til bildet. Glansen speglar solstrålane som ein kan førestille seg reflektert i vatnet – sjølv om sjølve dammen ikkje er synleg i quilten.
Fargebruken i bakgrunnen er monokromatisk, med grønt i ulike valørar. Fargane går frå mørkt til lyst og tilbake til lyst igjen. Dei mørke fargane skaper skuggar, medan dei lyse viser kvar sola treff.
Augestikkaren er sydd av bomullsstoff. Eg vurderte å bruke tekstilar med meir glans og å dele opp mønsterdelane i mindre bitar, men valet fall på bomullsstoff med mønster og fargenyansar som minner om det naturlege mønsteret i vengene til insektet.
Auge, kontrast og val som måtte takast.
Eg var lenge usikker på fargen på augo. Først prøvde eg turkisblå, men då vart augestikkaren flat og forsvann litt i bakgrunnen. Det same skjedde med lilla auge – fargane harmonerte for godt med vengene og gav eit for snilt uttrykk.
Då eg valde raud-oransje auge, skjedde det noko heilt anna. Det var litt skummelt, men augo «poppa» fram og heile insektet fekk liv. Hovudet fekk meir merksemd, og det vart tydeleg at augestikkaren flyr mot lyset. I naturen har augestikkaren store, dominerande auge, og dette valet kjennest derfor riktig. Raud er komplementærfargen til grøn, og oransje er komplementærfargen til blå. Dette gjer at fargane forsterkar kvarandre og gir meir liv til motivet.
Det som kan sjå gult ut i quilten, er eigentleg lyst grønt stoff. På avstand – og på foto – verkar det nesten gult. Lilla er komplementærfargen til gult, og eg opplever at dei blå og lilla fargane i augestikkaren påverkar det lyse grøne stoffet slik at det verkar endå lysare. Dette kan vere eit døme på simultankontrast – der fargar endrar uttrykk i møte med kvarandre. (Eit lite men er at eg brukar briller med gule filterglas, så eg ser verda litt gulare enn mange andre.)
Quilting og balanse.
Eg vurderte å legge til gule, oransje og raude sommarfuglar i bildet, men dei vart alt for dominerande. Augestikkaren forsvann i bakgrunnen, og for å skape balanse måtte eg flytte motivet – då forsvann også kjensla av at han flyr mot lyset. Løysinga vart å kutte ut sommarfuglane og heller bruke raud og oransje sytråd i quiltinga på dei grøne sivblada. Slik fekk eg meir liv og kontrast utan å ta fokus frå hovudmotivet.
Eg prøvde først å quilte med rette, vertikale stikningar på tvers av saumlinjene i blada, men dette vart for rotete og dominerande. Det vart meir harmoni då eg quilta innfor kantane av sivblada, slik at stikningane følgjer same retning som blada. Øvst i bildet – «himmelen» eller lyset – hadde eg eigentleg tenkt å quilte lite, men då vart quilten ujamn og bulkete. Meir quilting i dei lyse partia gjorde at heile quilten vart fysisk jamnare og flatare.
Det er brukt sytråd i mange ulike fargar: raud, oransje og fleire nyansar av grøn – frå heilt lys til mørk. Ein av sytrådane er flamma, med fargar som går frå lyst grønt via blått til lilla. Samla speglar trådane alle fargane i bildet og skaper liv, kontrastar og skuggar.
Vidare liv
Augestikkaren starta som ei oppgåve i kursleiarutdanninga, men har fått eit vidare liv. Denne quilten er no sett opp som kurs og vil også vere eitt av kursa på Norsk Quilteforbund sitt quiltetreff på Gardermoen i mars 2026. Det kjennest både stort og meiningsfullt å kunne dele denne prosessen vidare – frå forteljing, via tekstil, til kurs.
Ønskjer du at eg skal komme og halde kurs i din klubb eller på din heimplass, er det berre å ta kontakt: syoddny@gmail.com
På kurset lagar vi eit unikt bildeteppe (art quilt) med utgangspunkt i Augestikkaren. Bakgrunnen blir sydd saman av smale remser og buande linjer i ulike tekstilkvalitetar, som gir eit dynamisk og spennande uttrykk. Motivet kan vere ein augestikkar – eller noko heilt anna, som ein fugl, ein sommarfugl, eller eit reint abstrakt uttrykk.
Kurset passar både for nybyrjarar og meir erfarne. Du får bruke dei tekstila du har tilgjengeleg, og lærer om ulike tekstilkvalitetar, stabilisering, korleis lage buande linjer, applikasjon, quilting og enkel fargelære – og korleis ein kan skape djupn og liv i eit tekstilt bilde.
Bli med og utforsk kreativiteten din gjennom tekstilkunst!
Det norske flagg gav meg inspirasjon å sy spisebrikker. Det blir kjekt å dekke bordet med dei norske farger!Kok deg ein kopp kaffi og leit opp stoff i raudt, kvitt og blått! Eg har brukt bomull-stoff fra gamle skjørt, kjole, gardiner og «second hand» stoff. Kos deg med syinga av spisebrikker 🙂 På bilde er måla for alle lappane som du må skjere ut. Måla er sånn ca. Reinskjer etter kvart. Eg har brukt 1/4″ i sømmonn.
På blider, her under, viser eg framgangsmåten. Slik eg syr saman flagget, steg for steg.
«Quilta» Diagonalt . Starta med å teikna ein strek frå hjørne til hjørne. Nb! Bruk ein penn eller tusj som går vekk med vatn. Sy ein søm/ stikning på streka. Så brukte eg ein syfot der eg festa på ein linjal, så eg kunne måle kor eg skulle sy videre. Eg hadde ca 4 cm mellomrom mellom saumane/ «quiltinga». Men du kan streke opp rutenett på heile spisebrikka, der du skal sy. Quilta med lange symaskinsting. Minimum stinglengde 3. Reinskjer kantane og sett på skråband eller kanteband.
Gratulerer med dagen! Lykke til med 17.mai feiringa!
Bli med på eit kreativt og nostalgisk sykurs: Sy din eigen «Svevande Blomst»! 🌸✂️
Har du lyst til å dykke inn i ei verd av fargar, former og nostalgi? Då vil eg invitere deg med på eit kurs der du får lære korleis du syr dei sjarmerande, virvlande og svevande blomane frå det tradisjonelle mønsteret Whirligig Wildflower.
På kurset lærer eg – SyOddny – deg steg for steg korleis du kan lage desse propellforma blomane som gir liv og rørsle til tekstilen. Desse blomane passar perfekt til alt frå løparar og veggbilde til større teppe og dekorative prosjekt.
Vi jobbar med enkle former og brukar vanleg skjereutstyr og linjal. Du treng ikkje vere ekspert – det viktigaste er at du har lyst til å lære! Kurset kombinerer presisjon med leik, kreativitet og rein skaparglede.
Du lærer:
✔️ Gode teknikkar for presis lappesaum ✔️ Korleis fargar og kontrastar får kvar blomst til å «sveve» ✔️ Komposisjon som gjer arbeidet personleg og levande ✔️ Tips til stoffval og fargesamansetjing som skapar harmoni og spenning
Dette kurset passar for deg som vil bli tryggare på teknikk, men også ha det moro undervegs. Vi syr med eit snev av historie og tradisjon – og kanskje dukkar det opp nokre gode barndomsminne frå snurrande vindmøller og sommarblomar?
Vil du vere med?
Kurs nr. 3. Fredag, Norsk Quiltetreff , 20.-22.- Mars 2026. Gardemoen.
Eller ta kontakt dersom du ønskjer at eg kjem og held kurs der du bur!
La kreativiteten få snurre fritt – og bli med å sy din eigen «Svevande Blomst»! 🌬️🌼
🌼 Bakgrunn og inspirasjon
Nedanfor kan du lese og sjå bilete av bakgrunnen til denne løparen og inspirasjonen bak prosjektet. La deg inspirere av korleis ideen blei til, kva som ligg bak fargevala, og kvifor nettopp desse blomane fekk nytt liv i tekstilform. Kanskje du òg vil kjenne att noko frå din eigen barndom?
Whirligig Wildflower Pachwork
Denne lappeteknikk er mest kjendt som «Virvlande Villblomster » på norsk.
«Villblomst», var faktisk eit av temaet for mitt aller første kurs i Nordfjord Lappe og Quilte klubb. Eg trur det var ei som heite Kari Anne som holdt kurset, som var på Selje hotell, ca. 1997.
Min aller første løper sydd på kurs i regi av Nordfjord Lappe og Quilte klubb. «Villblomst»
Virvlande villblomster er eit tradisjonelt lappeteknikk- mønster som ein finn mange plassser på internett. Ved å søke på «whirligig wildflower quilts» på internett, finn ein mange fine mønster og bilder til inspirasjon!
Eit av mine aller første 17.mai minner, var at eg fekk ein vindmølle. I Vinden snurra den rundt med dei norske farger, raudt, kvitt og blått. Det var kjekk å leike med vindmølla. Om det ikkje var vind var det berre å blåse på propellen!
Det er dette som har inspirert meg til å sy årets 17. mai løper.
Eg brukte kantebandsapparat når eg sydde på lukkekant.
Sy vimpar til 17.mai, hagen, barnerommet eller fest! Her kjem sybeskrivelse, «tutorial» om korleis ein kan sy fleire forskjellege vimplar til ei lang vimpelrekke. Eg viser korleis ein lager ein litt brei vimpel og ein smal vimpel . Ein kan bruke forskjellege quilte linjaler eller ein kan lage sin eigen mal, når ein vil skjere ut eller klippe ut trekanter til vimplar.
Rekke med breide vimplar.
Brei
Smal
Rekke med smale viplar.
Eg sydde i hop vimplane, litt forskjelleg . Brukt vanleg rettsøm, pytesøm, eller falsk overlocksøm på vanleg symaskin. Eg har sydd med overlock symaskin på nokre av vimplane, men det er ikkje nødvendig. Du klarer deg fint med ei heilt vanleg symaskin! Nokre av vimplane er vrangsydde .
Sy og varier, etter smak og behag, alt etter kvaliteten på stoffet. Om du ønskjer å vrangsy vimplane, har eg erfart at det er best å bruke vanleg bomullstoff. Om ein vel litt tjukkare stoff, som gardiner ol. , kan det vere lettare å legge stoffet, vranga mot vranga og sy rundt kantane ( på rettsida) uten å vrenge. Les gjennom heile blogginnlegget før du bestemmer deg for stoff og søm.
Pyntesøm , falsk overlock og vrangsydd.
Materialliste:
*STOFFREMSER 27 cm breie, i fleire forskjellege stoff, med fargar i raudt, kvitt og blått , friske sommerfarger til hagen eller søte stoff til babyrommet ect.
Evt. STOFFRESTER Liten vimpel min. 30 cm x 30 cm. Stor vimpel 2 stk. min. 27cm x 32 cm.
* SKRÅBAND 1,5 m – 6 m lang eller så lang du vil ha snora til vimplar. Evt. eit band som kan brettast eller lage ditt eige kanteband.
*PAPIR, KARTONG , LIMSTIFT og PAPIRSAKS om ein vil lage mal.
*QUILTE LINJAL; vanleg, avlang firkanta med 90 ° og 60 ° vinkel strek. (evt. «Hex N More»- linjalen, «Spider Web» – linjalen eller andre trekanta linjaler).
*SKJEREKNIV , SAKS og evt. TAGGESAKS
* VLISOFIX om ein ønskjer å stryke saman framstykke og bakstykke på vimpelen . Då kan ein ikkje vrangsy vimplane.
*SYMASKIN med sytilbehør. Evt. OVERLOCK SYMASKIN.
Brei vimpel med 60 graders vinkel.
Når ein teiknar eller skjer vimpel etter 60 grader streken på linjalen, vil ein få ein likesida trekant. Vimpelen virker då litt brei og kort. Men eg synes det fungerer bra når alle vimplane er sydd saman på eit band og hengt i ei lang rekke. Vrangsyr ein vimplane blir det veldig bra!
Vimplar vrangsydd.
Vimplar kanta med overlock symaskin.
Skjer stoffremser, 27 cm breie.
( Om ein ønskjer større eller mindre vimplar, skjer ein breiare eller smalare stoffremser).
Legg gjerne to stoffremser opp på kvarandre og skjer dobbelt. Skal du vrangsy, må du legge stoffremsene med retta mot retta. Skal du sy med overlock eller pyntesøm rundt kantane, legg du stoffremsene med vranga mot vranga.
Ta utganskpunkt i eine enden av stoffremsa. Skjer enden vinkelrett 90 grader i forhold til kantane oppe og nede på remsa. Om ein ikkje vil skjere, teiknar ein berre ein strek langs linjalen.
Finn 60 grader- streken på linjalen. Der er gjerne to 60 grader- strekar på linjalen, bruker den streken som passer den veg ein skal skjere/ måle. Snu linjalen alt etter kva veg ein skal skjere.
Legg 60 grader streken parallelt med den eine langsida på stoffremsa. Og la linjalen gå ut mot eine hjornet på stoffet, for å utnytte stoffet.
Då ligg linjalen på skrå (60 grader) over stoffremsa.
Skjer med kniv langs sida på linjalen . Sjå bilde under.
Eller teikn ein strek på stoffet, langs sida på linjalen.
Snu linjalen og gjer det samme, til ein trekant.
Fortsett på same måte bortover stoffremsa, slik at du får fleire trekanter. NB! Trekantane går då kvar sin vei, sjå bilde under.
Klipp med saks langs strekane eller skjer med kniv langs sida på linjalen.
Ein kan bruke»HexNMore» – linjalen eller andre trekanta linjaler.
Om ein vel å bruke «Hex N More»- linjalen, blir vimplane kortare enn dei vimplane eg har sydd og forklart her.
«Mini Hex N More» linjal. Bilde lånt
Smal vimpel
«Spider Web» linjalen er fin å bruke til å skjere ut vimpler.
«Spider Web» linjal Bilde lånt.
Om ein ikkje har denne linjalen, kan ein teikne trekanten sjølv og lage mal som forklart under her.
Mal / Mønster :
Teikn ei 20 cm rett linje, oppe på eit A4 ark.
Finn midten på streken , altså 10 cm. Teikn ein strek frå midten og rett ned, vinkelrett, 90 grader. Streken skal vere 27 cm lang. Teikn ein rett strek som går på skrå frå venstre ende av streken oppe og ned til enden av midtstreken, som er 27 cm lang. Bruk linjal Gjer det samme på høgre side . Sjå bilder under.
Brukt desse måla, for då er det plass til mønster/mal på eit A4 ark. Om ein vil ha ein mindre, smalare vimpel, forminskar ein måla. For større eller lenger vimpel, forlenger ein måla.
Lim arket på kartong og klipp ut .
Eg laga to maler. Kan vere greit å ha, når ein vil sjå om der er nok stoff til framstykke og bakstykke på ein stoffrest.
Skjer stoffremser, 27 cm brei.
Legg malen på stoffremsa. Den kortaste sida på trekanten ( oppe vimpel), leggast til eine langsida på stoffremsa. Teikne rundt malen.
Så snur ein malen og legg malen inntil den teikna trekanten. Teikne trekanter bort over stoffremsa , gjerne med ein merkepen som kan strykast vekk. Legg malen opp og så ned, anna kvar gang bortover. Slik at trekantane heng ihop. Sjå bilde under.
Om ein ikkje vil teikne mal , vil eg vise ein anna måte å lage desse trekantane…
Ta ei stoffremse, 27 cm brei. Ta utgangspunkt i eine enden av stoffremsa. Skjer enden vinkelrett 90 grader i forhold til kantane oppe og nede på remsa. Om ein ikkje vil skjere, teikne berre ein strek langs linjalen.
Legg linjalen langs langsida av stoffremsa. Og sett eit merke for kvart 10 cm bortover. Alstå 10, 20, 30, 40 cm osv.
Gjer dette på begge sider av remsa. Sjå raude prikkar på bilder under.
Så legg ein linjalen på skrå mellom merke, oppe og nede og streker opp. Slik teiknar ein opp trekanter bortover.
Klippeller skjer ut trekantane.
Ein kan gjerne skjere ut trekanter etterkvart med linjal og kniv, i staden for å teikne strekar og klippe etterpå.
Vel ein å lime framstykke og bakstykke ihop med vlisofix og strykehjarn, kan det vere fint å klippe med tagge saks.
Vliesofix. Bilde lånt.
Om ein bruker vliesofix, pass på å stryk godt, så det ikkje blir luftbobler eller rynker.
Kan klippe med taggesaks om ein ikkje bruker vliesofix mellom bakstykket og framstykket. Bruk gjerne klyper som held stoffa saman, om ein klipper fleire lag stoff samtidig.
SØM
Framstykke og bakstykke på vimplane kan syast saman med søm på framsida. Ein kan då leike seg med masse forskjellege pytesøm, som ein har på symaskina. Eller ein kan vransy vimpelen med vanleg rettsøm på vranga.
SY SAMAN FRÅ RETTSIDA: Legg to trekanter saman, vranga mot vranga. Baksida av framstykket ligg mot baksida av bakstykket. Ein skal ikkje sy oppe på vimpelen . Dei to lengste sidene syr ein saman med feks. ;
Overlock
Ei overlock symaskin skjer kanten samtidig som den syr og kaster over kanten.
Falsk overlock søm
Om du ikkje har ei overlock symaskin, kan du sy falsk overlocksøm. Dei fleste symaskiner har slik søm.
Om ein skal sy falsk overlock søm på vanleg symaskin, er mi erfaring at det kan vere greit å ha litt sømrom. Sy ca 1/4 » inn på stoffet og klipp vekk stoffet etterpå – inn til sømmen.
Pyntesøm
Leik deg med dei sømmane du har på di symaskin!
Sy pyntesømmen, litt inn på stoffet. Er kantane klipt med taggesaks treng ein ikkje å klippe vekk sømrommet etter ein har sydd. Pyntesøm kjem litt betre fram og det blir betre hold, om ein syr på stivare stoff, eller har vliesofix eller vliselin mellom framstykket og bakstykket.
Her er det brukt litt tjukt stoff. Sydd med pyntesøm, litt inn på stoffet og så klipt vekk kanten inntil sømmen.
Trippel søm
Dei fleste symaskiner har trippelsøm. Symaskina syr fram, tilbake og fram igjen. Bruk min 3 i stinglengde.
Sy gjerne to trippelsaumer ved sidan av kvarandre, parallelt.
Sikk-sakk-søm
Alle symaskiner har sikk- sakk- søm ! Varier med sting- bredde og sting-lengde – alt etter smak og behag!
VRANGSY
Legg to trekanter retta mot retta.
Ikkje sy ihop oppe!
Sy langs dei lengste sidene. Bruk vanleg rettsøm, stinglengde ca 2,5.
På den smale modellen er det brukt sømrom 1/4″ ved vrangsying.
Ved den store modellen, 60 graders vinkel, er det brukt 1 cm sømrom ved vrangsying.
Klipp vekk stoff ved sømrom ved spissen, då er det lettare å få spissen fin , når ein skal vrenge vimpelen.
Vreng vimpelen gjennom opning oppe.
Bruk ei saks, pinsett eller nokre spisse redskaper til å presse ut spissen nede på vimpelen. Nb! Pass på at ein ikkje stikk hol i stoffet.
Pirk gjerne spissen ut med ei knappenål på framsida.
Stryk godt ut sømmane med strykejarn. Reiskjer vimplane oppe, slik at alle vimplar er like store.
Legg vimplane i den rekkefølgje ein ønskjer.
Sy på band.
Eg bruker skråband, når eg skal sy vimplane saman til ei lang rekke. Den kortaste vippelrekka eg har sydd er ca.1,5 m, mens den lengste snora er nesten 6 m ! Ein lager skråbandet så lang ein vil ha vimpelrekka.
Først bretter ein skråbandet og syr eit stykke før ein sett vimplane inn i skråbandet, ein etter ein. Sy fast med rettsøm, stikning. Stinglengde min. 3.
Legg kanten, oppe på vimplane inn i skråbandet og hald på plass ved hjelp av klyper. Sy vidare. Avstanden mellom vimplane er alt etter smak og behag . Nokon syr vimplane tett i tett, mens andre har gjerne 10 cm mellom vimplane! Eg bruker ca 2 cm mellom vimplane.
I begge endar, sy ei løkke til å henge opp med.
Brukt skråband med blonder.
Eller ein kan lage sine eigne skråband
Ein kan og bruke vanlege breie band som ein brettar i to eller lage band av stoff. Treng ikkje vere skråband ( skråklipt stoff) når det skal vere ei rett snor.
Denne kjolen må ha vore nydelig som ny. Brokadestoff, blonder, strass og paljetter. Overdelen var korsett med spiler.
KJolen var pynta med blonder, strass og paljetter.
Klipte opp kjolen og sprette av blonder og pynt , før eg tok i bruk stoffet.
Når eg spretta opp kjolen, sat eg og tenkte på kor mykje arbeid det har vore å sydd denne kjolen. Skal tru kor gamal den er ? Var det ein brudekjole eller ballkjole? Tenk på kor mykje den har dansa…. eg satt å mimra og fantaserte , levde meg tilbake til ei anna tid …
Eg teikna eit hjerte som eg brukte som mønster.
Klipte ut to hjerte i stoffet. La dei rette mot rette. Sydde ein søm rundt, men let stå igjen eit lita åpning for vrening av hjertet.
Reparerte og forsterka blondene med sikk – sakksøm over sølvbanda på blondene. Brukte sølvtråd i undertråden. Pynta hjerta med bloder og strass, brukte nål , tråd og lim. Ein sterk tråd til oppheng.
Teppet som vart til ei jakke! For mange år sidan, fekk vi eit teppe frå ei bestemor. Teppet vart mykje brukt, godt å ha over seg både i stova og i bilen. I det siste var det katten som hadde glede av teppet.
Vi var tenkt å kaste teppet. No i desse gjenbrukstider, fekk eg lyst til å redesigne teppet.
Teppet som var godt brukt!
Sjølv om der var eit hol i teppet og nokre kattehår på det, synest eg det var for godt til å kaste!
Teppet fekk nokre omganger i vaskemaskina og vart lufta godt ute i nokre dager.
Fann eit mønster på ei fin jakke i eit symagasin. Teikna av mønstret, tilpassa og lag det på teppet. Bretta teppet dobbelt. La midtbak på bakstykket inntil bretten på teppet .
Framstykket la eg inn til den andre kanten. Eg ville bruke dei fine kantane på teppet. Då vart jarekanten på teppet midtframme på jakka. Då slapp eg belegg der .
Jarekanten på teppet, midt framme på jakka, åpning . Frynser nede på jakka.
Nede på jakka kom frynsene, frå eine enden av teppet. Då slapp eg opplegg nede på jakka. Resten av frynsene brukte eg til krage.
Klipte ut alle mønsterdelane i teppet, med 1 cm sømrom. Då stoffet var bretta dobbelt, fekk eg 2 stk. framstykke, 2 stk. armer og 1 stk. bakstykke. Bretten midt bak skal ikkje klippast !
Sybeskrivelse:
Eg brukte overlock- cover- og rettsøm. Det går fint å bruke ei heilt valig symaskin med rettsøm og sikk-sakksøm , og gjerne ein falsk overlocksøm.
Sy skuldersøm. Legg skulder på framstykket, retta mot retta til skulder på bakstykke.
Sy armane fast på framstykke + bakstykke.
Sy sidesøm. Sidene til framstykke og bakstykket leggast med retta mot retta. Sidene på arm blir og lagt retta mot retta.
Legg opp armer til passelig lengde. Eg har coversøm. Søm med tvilingnål eller enkelt nål går fint.
Tilpass kragen etter lengda på halsåpning. Lengd på kragen tilpassast med ein søm midtbak. Sy kragen fast i halsåpning, bakside på kragen leggast på rettsida av bakstykke og framstykke. Legg sømmen ned på framstykket og bakstykket og sy ein stikning, så sømrommet held seg fast og kragen ligg fint.
Søm midtbak på kragen.
Innsida av jakka, midt bak. Søm midtbak på kragen blir skjult , når kragen blir bretta ned .
Stikning på rettsida, søm som held sømmrommet nede og på plass.
Jakka bak
No er det eg som har glede av teppet. Jakka er god å ha på seg når det er kaldt ute. Ekstra kjekt er det å tenke på alle minnene ein har frå dette teppet. Og kor mykje omsorg det ligg i eit varmt og godt teppe frå ei bestemor. Eg hadde ikkje hjerte til å kaste det og eg er glad det kjem til nytte igjen somei jakke. Trur denne jakka vert god å ha med seg på busstur , båtur og andre spennande reiser. Jakka er alt i god bruk!
